Muktak Manch

~खगेन्द्र अधिकारी ''अमृत"~

2011-02-20T05:43:00.000-08:00

(एक)
एक्लै जन्मे, एक्लै हुर्के, एक्लै मर्नु पर्छ अरे
बदलिदै जान्छ पुस्ता नाता अधि सर्छ अरे
जन्मे पछि मर्नै पर्ने सत्यतालाई रोक्ने कसले
पहेलिदै जान्छ अनि पुरानो पात झर्छ अरे !
(दुई)
हरानै पर्दो रै छ प्राण हर्नेहरु सँग
छिनमै वर छिनमै पर सर्नेहरु सँग
सकिन्न रम्न जालीहरुको संसारमा
देखाउदै अमृत बिष बमन गर्नेहरु सँग !

____________________________
दैलेख
हाल: विश्व नेपाली साहित्य महासंघ
साउदी अरेविया

~कल्पना अवस्थी~

2011-02-19T22:34:00.000-08:00

(एक)
स्वार्थी यो संसारमा कोही छैन साथी भन्नु
झरे सबै नजरमा कोही छैन माथी भन्नु
मतलबी भए हेर सबै नाता गोता पनि
सबै माना रैछ यहाँ कोही छैन पाथी भन्नु !

(दुई)
हिजो सम्म टम्म थिएँ आज हेर खाली भएँ
पातहरु झरी गए शोभाहीन डाली भएँ
ढकमक फुल्दा खेरी लगाउँथे लोभी आँखा
पुजा गर्थे गंगा भनी अहिले त नाली भएँ !
_____________________________

~आनन्द श्रेष्ठ~

2011-02-18T19:05:00.000-08:00

(एक)
तिम्रा खुशीको आँसु मैले पुछ्न सकिन
मेरो दु:खका आँसु त्यसमा मुछ्न सकिन
तिम्रो मेरो एकै भन्थ्यौ तिमी सधैँभरि मलाई
म दु:खी र तिमी खुशी हुनुको अर्थ बुझ्न सकिन !

(दुई)

मायाँ पाए घरै बसाल्न जान्ने कति छन कति यहाँ
ठाउँ पाए मान्छे पसाल्न जान्ने कति छन कति यहाँ
मेरो तेरो नाता केही चाहिन्न रुन र हाँस्नलाई शहरमा
पैसा पाए आँसु खसाल्न जान्ने कति छन् कति यहाँ !

~~~~~~~~~~~~~~0~~~~~~~~~~~~~
anshst@gmail.com

~भगवती बस्नेत~

2011-02-18T18:59:00.000-08:00

(एक)
आशा जति निरासामा पार्यौ तिमीले
हाँसीखुसी बाँच्ने रहर मार्यौ तिमीले
सौगातहरु मायाको थिए साट्न अझै
अनयासै अन्तै प्रीत सार्‍यौ तिमीले !

(दुई)
गरेरै नसक्ने गुनको बयान के गरौँ
धर्तिको धुलो म जुनको बयान के गरौँ
बैंशालु गुराँश बनेर फुल्दै छु पाखामा
प्रितीको मधुर धुनको बयान के गरौँ !
~~~~~~~~~~~0~~~~~~~~~~~~
काठमाण्डौ, हाल: इजरायल

~ गायत्री खतिवडा~

2011-02-17T18:12:00.000-08:00

(एक)

माया गरी बोलाउँदा ढुङो पनि बोल्दो रै'छ
यही मायाको मल हालेसी उन्यु पनि फुल्दो रै'छ
गज्जब छ यो दुनियाँुनी माया मा नै कैद हुने
माया हाली घोले पछी फलाम पनि घुल्दो रै'छ !

(दुई)

जवानीमा जोश हुँदा, रात पनि भनिएन
कालो होस् या गोरो होस्,जात पनि भनिएन
साधु बनी हिंडे पनि भोक मर्ने,होइन क्यारे
फूलको त कुरै छोडौं, पात पनि भनिएन !
___________________________

धादिङ

~दीपक समीप~

2011-02-17T07:18:00.000-08:00

(एक)
वैंश त यस्तो होस् फूलले तिमीसित सापट मागोस्
पूर्णिमाको जून पनि लाज मानी टाढा कतै भागोस्
छ्यौ तिमी पनि त्यस्तै र त मनमा अनेक कुरा खेल्छन्
सोचें मैल नि सोच्न हुने नहुने लागे बरु पापै लागोस् !
(दुई)

तिम्रो मनलाई धुँदा धुँदा धोवी भएँ म
आफ्नै मनलाई नपखाल्दा रोगी भएँ म
उपचारमा धाएँ धेरै तिम्रो दिलको क्लिनिक
धाउँदा धाउँदा आज हेर जोगी भएँ म !
_____________________
पोखरा
deepaksameep@gmail.com

~मीनु सञ्जीवनी~

2010-06-09T18:38:00.000-07:00

(एक)
म अलपत्र परेँ, तिम्ले बाटो तताएसी
भोक तिर्खा केही लाग्दैन, तिम्रै यादले सताएसी
म त अर्धपागल जस्तै भई सकेकी थिएँ-
फेरि परें अलपत्र, तिम्ले कुरो बताएसी !
(दुई)
तिम्रो यादको असिनाले, चुट्नु चुटेको छ
कालो बादल फाट्ने आसको, त्यान्द्रो टुटेको छ
तिम्लाई ख्याल छैन होला, चर्को घाम र दर्के झरी-
शिर लुकाउने मेरो ओत, तिमीसँग छुटेको छ !
.............................#.............................
hello_sanjibani@yahoo.com

~दीपक कौडिन्य~

2010-06-08T03:42:00.000-07:00

(एक)
शिर झुकाई कसैसामु हात मल्दै मल्दिन म
गोप्य कुरा कसै सित कहिल्यै पनि खोल्दिन म
तर यौटा कुरा भने क्षमा गर्नु होला मलाई-
कहिले काँही बाहेक सत्य बोल्दै बोल्दिनँ म !
(दुई)
पाईलै पिच्छे बिपत्तीलाई, पगालेकी मान्छे तिमी
तर मनमा सुन्दर सपना सँगालेकी मान्छे तिमी
एक दिन तिम्रो भाग्य खुल्छ,त्यति बेला नबिर्सनू-
मैले सयौं शुभेच्छाले, अँगालेकी मान्छे तिमी !
.....................#.......................

~सुमन मञ्जरी~

2010-06-03T23:44:00.000-07:00

(एक)
थियो जोडी रामलक्ष्मण कस्ले आज जाल रच्यो
सुखा उजाड जमिन बिचै कुन्नी कस्ले ताल रच्यो
दुई ज्यान एक मुटु भएका थियौ हामी यसै-
छिन्न भिन्न पार्न हाम्लाई कुन्नी कस्ले काल रच्यो !
(दुई)
जे जे आउंछन सबै बाधा सँगै तर्ने थियो मन
भन्थ्यौ मलाई मेरो दाजु तिमी मेरो मियो बन
रिसाएर हिडेयौ तिमी भए म जिउदै लाश-
फटेको थ्यो दुबै मन कसरी सियौ भन !
..................#.............................
nanu2000@live.com

~सविन सिंह~

2010-06-03T02:43:00.000-07:00

(एक)
आज फेरी त्यही इतिहास दोहोरियो
चोखो मेरो मनको उपहास दोहोरियो
बनेथ्यो प्रेमी एकचोटि फेरी सबिन-
निर्दयी त्यो दिलको अट्टहास दोहोरियो !
(दुई)
मुटुमा गडिएको बुझो जस्तो लाग्छ
राखुँ बिझाइराछ, फालुँ भेल ताक्छ
दिमाग बोल्छ - उखालेरै फालिदे सबिन-
पागल मुट फेरी , उही पिडा माग्छ !
...................#............................

sabinsingh@gmail.com

~डा. सर्जना "शिरिष"~

2010-05-31T22:55:00.000-07:00

(एक)
लपक्कै भिजाउँ भन्छ, माया मेरो बर्षिएर
देखे पनि नदेखेझैं, किन हिंड्यौ तर्किएर
मेरो पनि हृदयमा, तिम्रो जस्तै भाव सागर-
आउँदा जाँदा ताक छोपी,हेर्ने गर फर्किएर !
(दुई)
आफ्नै रोदन आफेनै क्रन्दन, आफैंलाई सुन्छ मान्छे
आफैं राजा आफैं ठूलो, आफ्नै सपना बुन्छ मान्छे
मार्छ,, च्यात्छ, कोपर्छ, अर्कालाई पीडा दिन्छ-
आफ्ना दुनो सोझ्याउने, ढुँगा मन बन्छ मान्छे !
........................#............................

~ उद्धव सिलवाल ~

2010-05-30T09:10:00.000-07:00

(एक)
साँचो-सत्य कुरादेखी सधैं सधैं भाग्दो रहेछु
नहुने र नपुग्नेको सधैं पछी लाग्दो रहेछु
सपनाका भड्खाला नै कति मिठा मिठा कठै !
घर पुरै जलेपछी आँत्तिएर जाग्दो रहेछ ।
(दुई)
घरभित्र आँधि-बेहरी, आगो जगायौ
इस्ट-मित्र छर्-छिमेक सबै भगायौ
तिम्रै मात्र तर्कनाले खाइरहन्छ सधैं सधैं
तिमीले मलाई किन यस्तो टुना लगायौ
............................#........................

~ मिना बान्तवा "मृदु" ~

2010-05-28T21:58:00.000-07:00

(एक)
आज भोलि कसै सँग बोल्न डर लाग्छ
मेरो मनको ढोकाहरु खोल्न डर लाग्छ
आफैले आज आफुलाई, मात्र विश्वाश गर्छु-
हिउदे भेलको गहिराई पनि तोल्न डर लाग्छ !
(दुई)
एक चोटी आयो मेरो जीवनमा यस्तो मोड
आफूले चाहँदा-चाहँदै पनि भयो ऊ सँग बिछोड
मैले उसलाई जीवन वलिदान दिन नखोजेको त हैन-
तर एक्कासी आयो आँधिबेहेरिको ठूलो स्वर !
..................................#............................

~टेकेन्द्र अधिकारी ~

2010-05-20T18:55:00.000-07:00

(एक)

हरेकपल जिन्दगी हाँसेर बाँचेँ
अलिकति उब्रियो साँचेर बाँचेँ
भूल भए मलाई माफ गरिदेऊ-
जस्तो तिमीले दियौ त्यस्तै बाँचेँ ।
(दुई)
मुलुकलाई अनिर्णयमा राखेकै छन्
जनतालाई ढाँट्नसम्म ढाँटेकै छन्
संविधान नबनाए सेतो हात्ती किन पाल्नु ?
संविधानसभाबाट भत्ता थापेकै छन् !
.................#.......................
-विराटनगर

~ पुष्पा अधिकारी गौतम ~

2010-04-05T03:32:00.000-07:00

(एक)
मैले तिमीलाई भूले भने मलाई माफ़ गर्नु
बेहोशी मै झूले भने मलाई माफ़ गर्नु
बाध्यता हो की रहर हो यो जिन्दगीको-
तिम्रो हुन नसके नि मलाई माफ़ गर्नु !
(दुई)
रुंदा रुंदै थाकेर हांस्न थालेछु
बल्ल यो जिन्दगी बाच्न थालेछु
कति तिर्यौ?अहिलेसम्म दूधको भारा-
आफै संग प्रश्न सोधी जाच्न थालेछु !
.....................#.........................

puspa911@gmail.com

~ गोवर्द्धन पूजा ~

2010-04-04T01:53:00.000-07:00

(एक)
आफ्नैजस्तो लाग्यौ तिमी पर्राईको हुँदा पनि
पीडा मनको पोखिएन आँसु पोखी धुँदा पनि
कति शान्त र शितल भो आज यो छट्पटी-
तिम्रो कोमल हातले एक पटक छुँदा पनि !
(दुई)
हजार ठक्कर खाएँ, हजार हण्डर खाएँ
तिमी साथ हुँदा रोएरै रात कटाएँ
हे छोडिजाने निष्ठूरी, नसंझे अब-
तिमीलाई छोड्दा नै मैले सुख पाएँ !

..................#...........................

काठमाण्डौ, हाल: अमेरिका

~रीता खत्री~

2010-04-01T00:59:00.000-07:00

             (एक)
            सोझो भन्थें मेरो मान्छे जाली भा'को रैछ
            बगैंचाको फूल मार्ने माली भा'को रैछ
            ऊ भित्र प्रेम नदी बगे जस्तो लाग्थ्यो-
            तर सबै रित्तिएर खाली भा' को रै छ !
        (दुई)
             बिर्सिएर उसलाई बाँच्नु गाह्रो रै'छ
            का“डाबीच उभिएर हाँस्नु गाह्रो रै'छ
            सम्झनामा चस्सचस्स सधैं मुटु दुख्छ -
            उसको माया मनभरि सा“च्नु गाह्रो रै'छ !
..........................#.................................
                                                     reetapdl@gmail.com
                                                   भोजपुर, हाल कीर्तिपुर

~ मुकेश राई ~

2010-03-22T23:06:00.000-07:00

(एक)
अनवरत उकाली ओराली बढीरहन्छ जीवनको बाटो,
मृत्‍यु पर्यन्त जसलाई नि मिल्छ एक मुठी माटो,
बाँचुन्जेल स्वार्थको जन्जालमा पाउँदारको जोड घटाऊ-
छोडेर जाने संसारीक मोह के को फाईदा ? के को घाटो !
(दुई)
सूर्य एक,चन्द्र एक, ताराहरु किन गन्नु ?
कुरा मिठो बुझ्नेलाई ईशाराले केही भन्नु
नजानेकालाई पो बुझाउनु सजिलो छ् हजुर-
जानी जानी बुझ पचाउनेलाई त खै के भन्नु !!
.......................#............................
mukesh17@hotmail.co.uk

~ कमला आँसु ~

2010-03-22T22:56:00.000-07:00

(एक)
बिनासित्तै रिसाउँछौ, अनि जोख्न खोज्छौ माया
दुधमा पानी मिसाउँछौ, अनि जोख्न खोज्छौ माया
तिम्रो मेरो बाटो अलग हुँदा पनि जबरजस्ती -
हात समाती घिसाउँछौ, अनि जोख्न खोज्छौ माया !
(दुई)
भक्कानिदै आँसु बगाई रुन सकिएन
काँढा बन्यो जीवन फूल हुन सकिएन
पत्थरमात्र हुन्न होला मानिसको आत्मा-
कोमल नौनी भएर पनि छुन सकिएन !
................#............................
चुलाचुली -७ इलाम

~विवश पोखरेल~

2010-03-06T23:50:00.000-08:00

(एक)

        दृष्टिदोष हो सायद सोझोलाई पनि बाङ्गो देख्छन्,
        आफू नाङ्गिएकाहरू अरुलाई पनि नाङ्गो देख्दछन्
        विवेकको चुक्कुल खुस्किएपछि कसको के लाग्छ -
        बादलभित्रको सौम्य जूनलाई पनि उदाङ्गो देख्छन् !

    (दुई)
        पूणिर्माको जुनेली रातमा तिमी थियौ
        सुन्दर र स्निग्ध प्रभातमा तिमी थियौ
        आज एकाएक मन दुखेपछि थाहा भो-
        जीवनका घातप्रतिघातमा तिमी थियौ !

.........................#............................
biwashpokharel@gmail.com

~ सृजना अधिकारी 'सीरू' ~

2010-03-06T23:41:00.000-08:00

(एक)
अँगालोमा तिमी सँगै बाँच्ने रहर थियो
तिम्रै लागि मेरो माया साँच्ने रहर थियो
जिन्दगीको एक्लो पनमा सँगै यात्रा गर्दै-
दुःख पीडा बिर्सिएर हाँस्ने रहर थियो !
(दुई)
प्रेमपत्र भन्थ्यौ तर खाली खाम रैछ
शहरमा देखायौ घर उकाली गाम रैछ
साँचेको थे तिम्लाई माया भनि मख्ख पार्दै-
अरूलाई फसाउने तिम्रो जाली काम रैछ !
..............................#.........................
its_creation14@yahoo.com

~ महेन्द्र राई ~

2010-03-03T01:40:00.000-08:00

(एक)
अस्ति मैले जुनलाई हराँए
हिजो मैले खुनलाई हराँए
खुन र जुन नै नभए पछि,
आज मैले उनलाई हराँए !
(दुई)
उसैले भन्यो हासिं दिए मैले
अर्को पटक नाचिँ दिए मैले,
एकदिन उसैले छोडेर गई
आफै मलाई फाँसि दिए मैले !
.............#......................
thulungsagar@yahoo.com

~प्रभा आचार्य~

2010-02-07T22:12:00.000-08:00

(एक)

सत्यको बिज रोपे फल्छ कुनै दिन
असत्यको जरो पनि गल्छ कुनै दिन
मन चङ्गा भएदेखी बागमती नै गंगा-
स्वार्थी शाषण मक्किएर ढल्छ कुनै दिन !
(दुई)
मनको कोठा सफा गरी चोखो आश दिएँ
ढुकढुकीलाई चलाऊन उस्तै सास दिएँ
बन साङ्लो पो रैछ उ त,आफै खेदिएं-
बनबासी आफु बनि,घरको बास दिएँ !
.................#...............................
prabha.acharya999@hotmail.com

~तीर्थ श्रेष्ठ~

2010-02-05T00:47:00.000-08:00

(एक)

तिमीलाई चिट्ठी लेखेको थिंए, जवाफ लेख्यौ कि लेखिनौ
तिमीलाई भनेर गीत लेखेको थिंए, भाखा हाल्यौ कि हालिनौ
सत्य मेरो हजुर,हिजो राती सपनीमा तिमीलाई देख्दा-
सिरानी पल्र्टाई दिएको थिंए, तिमीले मलाई देख्यौ कि देखिनौ ?

(दुई)

लहलहाएका धानका बालाहरुझैं
सुन्दर सुवासित फूलका मालाहरुझैं
पिई दिन पाए हुने जिन्दगीलाई
मधुशालाका कञ्चन काया प्यालाहरुझैं !
............#................................
पोखरा

~सरु आस्था~

2010-02-01T02:58:00.000-08:00

(एक)

ज्वारभाटा जिन्दगीको फुटाएर बाँच्नु पर्छ
सुख दुःख ऐचो पैंचौ मिलाएर साँच्नु पर्छ
दुःख मात्र हैन साथी सुख पनि आउनेछ-
मनको दीप जगाएर जीवनलाई जाँच्नु पर्छ !

(दुई)

अन्तै नाता जोडि तिम्रो साथ छोडेकी छैन
मित्रताको अमर अमर हात छोडेकी छैन
हर बाटोमा आउने गर्छन विवशता र बाधाहरु-
तर पनि मनमा छौ विश्वास छोडेकी छैन !
.........................#..........................
saruastha@hotmail.com

~राज पन्त~

2010-01-24T00:20:00.000-08:00

(एक)

सपनाको संसारमा डुल्ने रहर भो
आज किन आफैलाई भुल्ने रहर भो
भीर अनि पहरामा फुल्न चाहन्थे म-
तर तिम्रो केशमा नै फुल्ने रहर भो !
(दुई)
आशाको दियो जगाएर गयौ
साउने भेल भै बगाएर गयौ
मेरो मनको बगैचामा डुल्दै-
फूल सरी मग्मगाएर गयौ !
.........#....................

~विष्णुबहादुर सिंह~

2010-01-23T23:28:00.000-08:00

(एक)

आँखा वन्द गर्दा धेरै सपनाहरु आउछन

जिन्दगीले ताल बेतालका गीतहरु गाउँछन
आफ्नै भन्नेहरुले जव आज भुलिदिन्छन्-
सुखै सुखको आशमा पीडाहरु पाउँछन् !

(दुई)

माग्नु पर्छ उसैसँग जस्ले दिल फुकाई दिन्छ
भन्नु पर्छ उसैसँग जस्ले कुरा लुकाई दिन्छ
रोज्नु पर्छ साथीहरु सफलताको सिंढी चढ्दा-
हाँस्नु पर्छ उसैसँग जस्ले ओठ मुस्काई दिन्छ !

.......................#.......................................

vbs@ntc.net.np

~स्वप्निल नीरव~

2010-01-23T22:56:00.000-08:00

(एक)
बेमौसम मनका रहरहरु फुल्न सक्छन्
ताता मरुभूमि र बगरहरु फुल्न सक्छन्
अमृतले सबैलाई न्याय गरेको कहाँ छ र-
छोइ हेर अपनत्वले जहरहरु फुल्न सक्छन्!
(दुई)
उजेलीको आशमा सँधै घामकै पछि दगुर्छ मान्छे
राम नाम जप्दै हरपल दामके पछि दगुर्छ मान्छे
दाम, काम, घामसँगै सबचिज मिल्दा मिल्दै पनि-
कस्तो पागल झैं त्यही नामकै पछि दगुर्छ मान्छे!
.....................#............................................
दर्छा-८ पाल्पा

~ भुवन छेत्री ~

2010-01-20T22:14:00.000-08:00

(एक)
ओ कवि ! तिम्रो कवितामा देश बोलेको खोइ
स्वाभिमानी हुँ म भन्छौ, भेष बोलेको खोइ
गीत लेख्छौ भरियाको-निमुखाको कथा-
खोइ त नांगा पैतालाको ठेस बोलेको खोइ ?
(दुई)
भोकालाई भोजन भन्ने उक्ति हराएछ
सत्यम-शिवं-सुन्दरमको सुक्त हराएछ
कुन्नि कसको श्राप लाग्यो मेरो प्रिय देशमा-
निमुखाको बस्तीबाट मुक्ति हराएछ !

................#..............................

नयाबज़ार, पोखरा-८

~हिमा श्रीस "सामना"~

2010-01-20T22:01:00.000-08:00

(एक)
शोषित पिडित जनताको आवाज नसुन्ने यो सरकार मुर्दाबाद !
सत्ता र कुर्सीको लागि अनेक जाल बुन्ने यो सरकार मुर्दाबाद !
जब लुटिन्छन दिन दहाडै यहाँ सुन्तली र सुन्तली धामीहरु-
उपचारको बहानामा नजरबन्दमा थुन्ने यो सरकार मुर्दाबाद !
(दुई)
जनताको भोक, शोक, रोग नदेख्ने नेता होशियार
सत्ताको मातले गरीब वस्ती नेता होशियार
उठ्छ अब तराइ पहाड उठ्छ अनि हिमाल पनि-
समयमै जनताको कानुन नलेख्ने नेता होशियार !
......................#...............................
samana_shrees@yahoo.com

~तिलक भट्टराइ~

2010-01-13T22:47:00.000-08:00

(एक)

थोरै धेरै गुनासो थ्यो झर्किएर जाने सँग
दोष देखाई बिना कारण जर्किएर जाने सँग
पोइला गा'की श्रीमतीले छोरो पाउँदा के को हर्ष-
भन्न मन थ्यो दुइटा कुरा तर्किएर जाने सँग !
(दुई)
देखें राती सपनिमा मेरी मायालुलाई
हिजो पनि आज पनि फेरी मायालुलाई
कहाँ देखु कहाँ भेटु भाको छ मन्मा
भेट्न पाए बिताउँछु दिन हेरी मायालुलाई !
............................#.............................

~अमृता ठकुरी~

2010-01-13T22:26:00.000-08:00

(एक)
सत्यताको विजय अवश्य हुन्छ
आतंकलाई भय अवश्य हुन्छ
आज सत्य बोल्नेहरु दुई चार होलान्-
हेर्दै जानु भोलि सय अवश्य हन्छ !
(दुई)
मैले हैन भनेकै थेँ तर छाती दुखेकै हो
क्यै भा'छैन भनेकै थेँ तर छाती दुखेकै हो
सान्त्वनाको मलम लिइ लगाउन तिमी आउँदा-
भो पर्दैन भनेकै थेँ तर छाती दुखेकै हो !

...........................#........................

~आर आर चौलागाईं ~

2010-01-10T22:17:00.000-08:00

(एक)
घाम झुल्केला भन्दाभन्दै बादलले ढाक्दो रहेछ
घाउ निको होला भन्दाभन्दै बल्झेर पाक्दो रहेछ
कैले पुग्ने होला खै ? ऊ त्यो चुचुरोमा-
मनै त हो नि कहिलेकाहीँ त थाक्दो रहेछ !
(दुई)
देख्दै थिएँ सपना कसैले बिथोलिदियो
लेख्दै थिएँ कविता कसैले चिमोटिदियो
किन सताउँछन् यी आफन्त भनाउँदाहरू-
हुर्काउँदै थिएँ बिरूवाहरू कसैले निमोठिदियो ।
.........................#.................................
हेटौँडा-४, मकवानपुर
rrchaulagain@yahoo.com

~सरु अधिकारी~

2010-01-07T02:17:00.000-08:00

(एक)
हार्नु मेरो मजबुरी हो तर आज जीत भयो
अन्जानमै भएपनि उसै सँग प्रीत भयो
हिड्नै पर्ने थुप्रै उकाली ओह्राली छन् यहाँ-
अनिश्चित मेरो गहन यात्रा नै मीत भयो !
(दुई)
बिर्सन्छु भन्यो झन तिमै्र याद आइरहृयो
हरेक पल त्रि्रै झझल्कोले सताइरहृयो
जो कोही देख्दा तिमी नै हौ कि जस्तो लाग्छ-
एकान्त मनले तिमीलाई नै गुञ्जाइरहृयो !
......................#..................................

~किशन शीतल विवश~

2010-01-04T23:29:00.000-08:00

(एक)
नाँच्न खोज्दा पो थाहा पाएँ
साँच्न खोज्दा पो थाहा पाएँ
खै कहाँ हराएछन खुशीहरू-
हाँस्न खोज्दा पो थाहा पाएँ !
(दुई)
उठाउन खोज्यो पोखिन्छ जिन्दगी
जोगाउन खोज्यो ठोकिन्छ जिन्दगी
सायद सायद त्यसैले होला -
कर्कलाको पानीसंग जोखिन्छ जिन्दगी !
..................#................................
kishansital66@gmail.com

~राधिका अधिकारी "आँसु"~

2010-01-04T23:04:00.000-08:00

(एक)
हिजो आज खै किन हो आकाश सुन्य लाग्छ
शितलता बोकि हिड्ने वतास सुन्य लाग्छ
छाती भित्र दुख्छ घाउ असजिलो गरि-
सुन्दरता दिने फूलको सुवाश सुन्य लाग्छ !
(दुई)
छाती भरि घाउ बोकी किन बाँच्छ मान्छे
हरेक चोटि दुख्छ तर किन हाँस्छ मान्छे
को हो आफ्नो आखिर सबै चोट मात्रै दिन्छन-
तिनकै माया छातिभरि किन साँच्छ मान्छे !
.............#.................

~ उदास कार्की ~

2009-12-21T22:19:00.001-08:00

(एक)

    तिमी त्यो खाली सिउँदो बोक्ने
   एक्लो हुनुको पीडा म भोग्ने
   रङ्गयाउने मन छ तिम्रो सिउँदो-
   कोहि छ कि भन मलाइ रोक्ने !

(दुई)

    देख्दै छु तिम्रो अधरमा मुस्कान मन्द छ
   अट्टाहास गर्ने ती ओठ आज किन बन्द छ
   सिर्जी सक्यौ तिमीले सुखद संसार या-
   यो समाजले दिएको कुनै परिबन्द छ !

धापासी-९, बसुन्धरा, काठमाण्डौ

~ उमा सुवेदी ~

2009-12-20T02:04:00.000-08:00

(एक)
मन मनै जुनीभरी तिम्लाई माया गर्छु म त
तिम्रै प्यास मेटाउन झर्ना बनी झर्छु म त
तिमी रोए रुन्छ अनि तिमी हाँसे हाँस्छ यो मन-
तिम्रा लागि मर्नु परे, हाँसी हाँसी मर्छु म त !

(दुई)
मीठो सपना देखाई मलाई अधुरै छोडेछौ
चोखो माया लत्याएर, अन्तै माया जोडेछौ
मन त यसै चोरेकाथ्यौ, नीद पनि चोर्न लायौ
दोबाटोमा मलाई छोडी, अन्तै बाटो मोडेछौ !
......................#...............................

~ नगेन्द्रराज शर्मा ~

2009-12-20T00:22:00.000-08:00

(एक)
जब यौवन यौवन यहाँ आँखी छ
आँखा आँखामा आमन्त्रणको झाँकी छ
किन चासो कि, कहाँ रात बिताएँ मैले-
यही काफी छ कि ममा बैंश अझै बाँकी छ ।

(दुई)
मैले मात्र हैन, म जस्ता धेरैले तिमीलाई बदनाम बनाए
वास्तविकता त एउटै थियो, तर हल्ला अनेक अनेक आए
कस- कसको नाम लिउँ, क- कस्को नलिउँ-
ज जस्ले तिमीलाई देखे सबैले बेग्लाबेग्लै कथा बनाए !
...................................#.....................................

~ सावी श्रेष्ठ ~

2009-12-15T01:29:00.000-08:00

(एक)
बुझेनौ कहीले मलाई गलत अर्थ लायौ
दुनियाँको कुरा सुनी आँफै गीत गायौ
आफ्नो माने सधैं आफ्नै ठाने सधै-
दुखाई मेरो मुटु तिमीले के पायौ ??

(दुई)
पढ्न सक्थौ सजिलै खुल्ला पाना थिए
घामपानी बाट छेक्ने तिम्रै छाना थिए
बुझिदियौ भाब मनको ढिलै भएपनि-
गुन्जिरहने तिम्रो सामु सुमधुर गाना थिए !
..........................#..................................

~ केवल "किरण" भण्डारी ~

2009-11-16T22:13:00.000-08:00

(एक)
यतै कतै कुइनेटोमा भेट्न पाए हुन्थ्यो
इच्छाहरु थुप्रै थुप्रै मेट्न पाए हुन्थ्यो
यसो गरें, उसो गरें, सुनाउने मन छ-
एकै छिन अंगालोले छेक्न पाए हुन्थ्यो !
(दुई)
बाढी आएको छ जीवामा, आँशुको बर्षा नगर
टाढा बस्न चाहन्छु म, ठेगाना खोज्दै आउने नगर
सिसा भन्यौ, पत्थर भन्यौ, मन लागि के के भन्यौ -
चुपचाप सबै सहें मैले, काँढा भई अझै घोच्ने नगर !
#

~ मनिता रेग्मी ~

2009-11-12T19:17:00.000-08:00

(एक)
नजर के जुधेथे, लजाएँ बेस्सरी
मन भित्रै हजुरलाई, सजाएँ बेस्सरी
बैसालु यो अधरको प्यासी हजुर त-
आँफैमा अझै प्यास जगाएँ बेस्सरी !

(दुई)
वर वर आउन भन्छु झन झन पर सर्नुहुन्छ
बैसालु छु नसालु छु तेसै प्याला भर्नुहुन्छ
कामै काम मात्र होइन जीवन कति भनिसके-
मधुमासको शीत पर्दा कामै भनी झर्नुहुन्छ!
#

` बिस्नु प्रवा सापकोटा `

2009-11-09T02:32:00.000-08:00

(एक)
तिम्रै नजरको टुना मुनामा अल्झिएं म
सबै केन्द्र पुगे यतै छेउ कुनामा अल्झिएं म
सपना त उडेर आकाशको जुन छुने थियो-
तर आखिर तिम्रै चौबन्दिको तुनामा अल्झिएं म !
(दुई)
मेरो आस्थालाइ सधै धमिरा ठान्छ्यौ तिमि
मेरो कर्मलाइ सधै दिलको किरा ठन्छयौ तिमि
कसरि पत्याउ तिमिले माया गर्छ्यौ भनेर-
जबकि मुटु भन्दा महङो हिरा ठान्छ्यौ तिमि !

#

~ रीता प्हच्यु ~

2009-11-09T00:24:00.000-08:00

(एक)
तिमी साथ छौ र जीवन उन्मात छ
तिमी साथ छौ र जवानीको मात छ
अब त के चाहियो र मलाई !
तन-मन बिसाउने तिम्रो न्यानो काख छ !
(दुई)
देख्नै नसक्ने गरि कसैले छोपी देउ मलाई
घाम-छाँया पर्नै नसक्ने गरी छेकी देउ मलाई
व्याकुल छु ! हर निमेष म यसरी
तिमी चोखो प्यारले बेरी देउ मलाई !
#
-स्याङ्जा

~ जगत नवोदित ~

2009-11-06T22:36:00.000-08:00

(एक)

नबुझ्नेलाई के को खातिर बुझ्नेलाई पो कर्तब्य नि जिम्मा हुन्छ

नसोच्नेलाई के को मत्लब सोच्नेलाई पो जीवन नि बिमा हुन्छ

जिउदै मान्छे खाने निर्दयी मान्छेहरु समेत भेटे मैले-

ए हजुर !यती सारो नगरोउ न जे कुराको पनि सिमा हुन्छ !

(दुई)

नयाँ कुरुक्षेत्रमा पाइला म टेकिरहेछु

सब मानब दानब जस्तो देखिरहेछु

मरुभुमिको उजाड यो पटाङ्गिनिमा -

आफ्नै जीवनसित जुवा खेलिरहेछु !
                    #
                       हाल: अफगानिस्तान

~बसन्ती बस्नेत~

2009-11-03T22:17:00.000-08:00

(एक)
गल्ती धेरै भेटें तर, तिम्रै मायाले नै जिती रहृयो
तिम्रा निश्चल कुराले झन्, माया अरु टिकी रहृयो
जति दोष भेटे पनि, सम्झौतामा माफी मिल्दा-
सुधारिने वाचासँगै, उसको बोली बिकी रहृयो !

(दुई)

मैले माया गर्छु भन्दा, ख्याल ठट्टा पो सम्झयौ क्यारे
नजर जुध्दा तर्की जान्छौ, प्यास मेटाको सोच्यौ क्यारे
जवाफ विना सधैंभरि, तर्की हिंड्छौ कति दिन-
तड्पाउने आश बोकेर, निष्ठूरी पो बन्यौ क्यारे !
#
-गोरखा

~ मोहराज शर्मा वाग्ले~

2009-11-01T22:55:00.000-08:00

(एक)
भन्दा हुन तिमीलाई, तिम्रै लागि आकाशका जुनतारा झार दिन्छु
माफ गर प्रिया, मैले यै पनि भन्न सक्दिन सुनचाँदी र हार दिन्छु
मैले तिमीलाई दिन सक्ने त दाँया, वाँया, छाँया र माया हो -
जाऊ, पाऊ समाउ उसैको भन्ने छन् होलानी चन्द्र बर्साई सार दिन्छु !
(दुई)

शुशुपाल थियौ पैले त, छाला बाक्लिएछ पुक्क परेकी
पोहोर साल त जुरेनछ लगन, अहिले त ढुक्क परेकी
वैश समाल, वैशाखमा भन्दा मानिनौ हिउँद भन्यौ -
मन न हो फेरिदो रैछ, आफ्नो सुर गर भन्दा हेरन सुँक्क गरेकी !
                                  #

                                                -धौलागिरी एफएम, बागलुङ

~ सुजन बैरागी ~

2009-10-29T22:47:00.000-07:00

(एक)
माया लिएर आयौ   चोट दिएर गयौ
खियायौ मलाई र आफै पनि खिएर गयौ
छक्याकाएर त्यसै छाड्न त छाडेनौ तर-
पोली रहन्छ कस्तो धागोले सिएर गयौ !
(दुई)
नसर्माउ काली माया बस्ला फेरी
फटाहाको जाली माया बस्ला फेरी
मुस्किलैले टाढा भएकी छौ तिमी-
नआउ दुरी टाली माया बस्ला फेरी !
                 #
           - रामेछाप

~ धनेन्द्र भूजेल ~

2009-10-26T01:58:00.000-07:00

(एक)
माया नलाऊँ भन्दा भन्दै तिमीले नै फसाएको
एकछिन् एकछिन् भन्दा भन्दै घण्टौँ घण्टा बसाएको
म कहाँ बिर्सन सक्छु र अब तिमीलाई -
मरूभूमि जीन्दगीमा प्रेमसागर रसाएको !
   (दुई)
वर्तमान नेपालमा सर्वोच्चको विचाराधीन केस हुँ म
जीन्दगीको भागबण्डामा नमिलेको अन्तिम शेष हुँ म
मलाई जुनसुकै रूपमा चिने पनि हुन्छ साथी
दुई ढुङ्गा बीचको हराउँदै गरेको देश हुँ म !

                         #
                                                      -रामेछाप

~आनन्द रानोहोंछा~

2009-10-25T02:15:00.000-07:00

(एक)
पलाश टिपी शिरमा लाए जुन हुन्छ्यौ तिमी
पाउजु बाँधी छेउमा आए धुन हुन्छ्यौ तिमी
भन्नेले त फलाम् भन्लान्, पित्तल् भन्लान्
कोमल मेरो मनमा छाए सुन हुन्छ्यौ तिमी !
(दुई)
हजुरबाको तालुलाई नै केश हो भन्छु म त
गरिबले जे लाए नि भेष हो भन्छु म त
कहिल्यै उभो नलाग्ने मातृभुमिलाई पनि अब-
सतिले नै सरापेको देश हो भन्छु म त !
#
हाल: बेलिज

~कपिलविवश भट्ट कञ्चन~

2009-10-11T01:21:00.000-07:00

             (एक)

भो अब म उल्झनको जिन्दगी जिउन चाहान्न
फाटेका ती अनगिन्ती रहरहरु सिउन चाहान्न
सपनाका महलहरु गर्ल्याम गुर्लुम ढलाएछि -
एकोहोरो आँशुका नुनिला ढीकाहरु पिउन चाहान्न !
                     (दुई)
म त्रि्रो मायामा बलिदान दिन तयार छु
मायामा तगारो बन्नेको ज्यान लिन तयार छु
हाम्रो चोखो माया मर्दैन कदापी ए ! हजुर-
लैजान्छु तिमीलाई आजै म हिन तयार छु!
                         #

शिखरपुर-९ शितलकुञ्ज,बैतडी
हाल-धनगढी, कैलाली

~दिल शिरीष~

2009-10-04T00:47:00.000-07:00

(एक)

रानी आई घर बिगार्ने, घरबार चाहिदैन ।

राजा आई देश बिगार्ने, दरबार चाहिदैन ।

दिन्छौ भने मलाई,शान्ति लेख्ने कलम देउ

हिसां गर्ने, काट्ने मार्ने, तरबार चाहिदैन ।।

(दुई)

मलाई रोज्ने घाँस काट्न, भिरमा आउन सक्नुपर्छ ।

भिरमा मात्र होइन सखा, तिरमा आउन सक्नुपर्छ ।

रुँदा रुने होइन यहाँ , रुँदा हसाउने मान्छे बनि

हाँसोको बहार बनि , पिरमा    आउन   सक्नुपर्छ ।।
                              शब्द शिविर, बागलुङ

                           #

~प्रकाश आङ्देम्बे ~

2009-09-20T22:40:00.000-07:00

(एक)

नकाट भन्यो छुरा मान्दैन

नबज भन्यो चुरा मान्दैन

आफ्नै मन पराइ भाछ अचेल-

आफैले भनेकै कुरा मान्दैन !

(दुई)

कुराले संसार धोएर जित्छिन्

मन्दिरको ढुंगा छोएर जित्छिन्

जित्ने आदत वसेछ क्यार-

केही नभए रोएर जित्छिन् !

#

~ दिनेश अधिकारी ~

2009-09-17T23:08:00.000-07:00

(एक)

के विश्वाश म बन्धन मुक्त भइसकें

के विश्वाश म फक्रदों गुलाफ भइसकें

जुद्धसम्शेर अझै बाटो छेकेर उभिएकै छ-

के विश्वाश म रैती नागरिक भइसकें !

(दुई)

मान्छेलाई नानाथरिको रोग लागेको छ

मान्छेलाई मान्छे आफैं चोक लागेको छ

ऐ ! म पूरै आयु त बाँच्छु त के ?

मान्छेलाई मान्छेकै भोक लागेको छ !

#

~गण्डकीपुत्र~

2009-09-15T00:04:00.000-07:00

(एक)
यो ओछ्यानमा तिमी सुलको कुरा   गर्छ्यौ
संगै जीवन काटौं भनेको पूलको कुरा गर्छ्यौ
म तिम्रै वयान गर्न गजल लेख्दै थिंए -
तिमी भने पटक पटक फूलको कुरा गर्छ्यौ !
(दुई)
त्यो ज्यानमारालाई देश जलेको पीडाले नछुने रहेछ
उस्को अगाडि यो देशका नागरिक रोए तर उ नरुने रहेछ
हामी चाँही सुघ्रन्छ कि भनेर पानी खन्याउँदै थियौं -
के गर्नु गधालाई जति धोए पनि गाई नहुने रहेछ !

                                                          -विराटनगर
                                       #

~सुरेश खतिवडा~

2009-09-12T21:37:00.000-07:00

(एक)
मुटुको त्यों किनारामा, तिमीले नै वास माग्यौ,
मेरै साथ बिताउने, जिन्दगीको आश माग्यौ,
रित्याएर सिरिखुरी, सारा मेरा सपनाहरु-
पराइसँग जीवन जीउन, आज मेरै सास माग्यौ !
(दुई)
तिमी हुँदा जिन्दगीमा, हर हमेसा मात लाग्छ,
तिमी जाँदा जिन्दगीमा, हरेक प्रहर रात लाग्छ,
खै के गरौं? भन प्रिये, दोधारमा परें म त-
अरुलाई भनु भने जोईटिङ्ग्रेको बात लाग्छ !
#

~बसन्ती बास्तोला~

2009-09-10T22:51:00.000-07:00

                (एक)
ढल्न लाग्दा मेरो खुशी, धान्ने एउटा साथी भयौ
फुत्कन्छ कि पीर गरेर, बान्ने एउटा साथी भयौ
मलाई लाग्दा चोटहरु तिम्लाई दुख्छ आज भोलि-
हात दिंदा सर्माएर , तान्ने एउटा साथी भयौ !
                 (दुई)
आफ्नै मान्छे मुर्छा परी रुँदा कस्तो मान्यौ
वचन वाँणले उस्लाई हानी छुँदा कस्तो मान्यौ
तिम्रो मेरो बाटो अव फरक हुने भयो अरे -
तिम्रै सामु यो जिन्दगी धुँदा   कस्तो मान्यौ !

                #

~निमेष निखिल~

2009-09-09T23:54:00.000-07:00

              (एक)
तिम्रो प्रेमको प्रस्तावलाई मन्जुर भन्न मन लाग्यो
जब मुहार देखें तिमीलाई झुर भन्न मन लाग्यो
आजकलका मान्छेको बेहोरा देखेर त हजुर-
मलाई त बरु गधालाई हजुर भन्न मन लाग्यो !

(दुई)

आरोपित आस्थाका आँकुराहरु बोकेर
छातीभरि भग्नविश्वासका टाकुराहरु बोकेर
सङ्कल्पहरुमा मन जोड्ने सेतु खोज्दैछु म-
समय हुरीमा नडगेका पाखुराहरू बोकर !

- हेटौँडा
#

~ सरुभक्त ~

2009-09-09T00:06:00.000-07:00

                     (एक)
कहिले काँहीं मन हुँदा आफूलाई प्रेमको सायर भन्ने गर्छु
मन नहुँदा आफूलाई स्वप्नजीवी र कायर भन्ने गर्छु
जब जब तिमी मेरो मन लुछ्न आउँछ्यौ प्रत्येक पल तब-
त्यही मनको अदालतमा तिमी बिरुद्ध रिट निवेदन दायर गर्र्छु !
                          (दुई)
म सरिसृप होईन भन्दै आदिम हातहरु उचाल्दै छु
पत्थरदेखि परमाणुसम्म सुरक्षाका बातहरु नियाल्दै छु
तेश्रो विश्व युद्धमा मरिएन भने बाँच्ने कसरी होला भनी-
आजकल म उठेका हातहरु फेरि जमिन तिर खसाल्दै छु !

                          #

~ रमेश पौडेल ~

2009-09-08T00:36:00.000-07:00

(एक)
अनायाशै नजरमा बस्यौ तिमी
र त परेली हुँदै खस्यौ तिमी
के जादू गर्यौ यसरी तिमीले-
अहिले त मुटु मै पस्यौ तिमी ।



(दुई)
तिमी सुन्दर फूल हौ, नछोउँ भने पनि हात लाग्छ
नबोलूँ मन मान्दैन, बोलूँ भने त्यसै बात   लाग्छ
कहिले त के भनूँ म, बिना पिएरै बेहोश हुन्छु-
तिम्रो नजरको नशा त्यस्तै छ, हेर्ना साथ मात लाग्छ ।

#

~ चेतन कार्की ~

2009-09-07T01:37:00.000-07:00

             (एक)
मेरा निम्ति त बसिनौ पर्खेर तिमीले
हेरिनौ जाँदा पटक्कै फर्केर तिमीले
आज एक्कासी मलाई लाग्दा बाडुली-
सोच्दछु सम्झ्यौ कसरी बिर्सेर तिमीले !
                (दुई)
पीर मनमा बोकेर पनि मुस्कुराउँदै म रहें
गहमा नै छचल्किंदो आँसु लुकाउँदै म रहें
ब्यंूझदा निथ्रुक्क छाती र सिरानी भेटिए-
राती शायद सपनामा आँसु चुहाउँदै म रहें !


                         #

~ज्ञानुवाकर पौडेल~

2009-09-06T02:47:00.000-07:00

               (एक)
अब न त्यो रुप छ, न त्यो रुपको नशा बाँकी छ
अब न त्यो प्रेम छ, न त्यो प्रेमको कथा   बाँकी छ
रोजेथें एउटा फूल यो जीवनमा, कुनैदिन टिप्न जो खोजेंथें-
कसरी बिझेथ्यो काँढा यो मुटुमा, त्यै विफलताको कथा बाँकी छ !!
                 (दुई)
जिन्दगी भन्नु के हो र ,   दौडधूप   संधैंको   हतारो न हो
त्यो रुप यो यौवन आहा !   दुइ    दिनको प्यारो    न हो
प्रौढताको यो संसारमा टेक्नुपर्दा , किन आत्तिएछन् सब-
सुनौला विहानीको गन्तव्य पनि त, आखिर त्यै अध्याँरो न हो !!

                               #

~ वसन्त गौतम~

2009-09-04T00:55:00.000-07:00

(एक)
पाँच मात्रै किन ! सय इन्द्रियले पिएको हुँ,
तिमीलाई पिउन भनेरै, यति माथि तैरिएको हुँ
तिम्रो नि:श्वाशको खातमा अडिएको छु म-
तिम्रै उष्णताको बलमा क्षितिजसम्म फैलिएको हुँ !!

(दुई)

तिमी सधैं नवीन, म उस्तै अधैर्य पर्खिएँ
दिएरै लियौ तिमीले, लिएरै म पोखिएँ
धर्ती सर्वाङ्ग भिजिसक्यो, अब विवाद किन-
तिमी छाल छचल्कियौ या म बादल बर्सिएँ !!

(रचना मिति:मे ९, २००७)
हाल: जापान

~जितेन्द्र मल्ल~

2009-09-04T00:21:00.000-07:00

(एक)
देखे तिम्लाई बोलाइन बात लाग्ला भनी
आंखा झुकाइ टोलाइन मात लाग्ला भनी
मनका सबै भावना ती पोखे हर्दम् कागजैमा-
चिठ्ठी तिम्लाई पठाइन खात लाग्ला भनी !!


              (दुई)
बियोग को पीडामा दुई प्याला पिए त के बिराएं
मदहोशिमै जीवनका दुई पल जिए त के बिराएं
दुस्ख साथी सुख पाहुना भन्ने गर्छन् जान्नेहरु-
अली अली थियो खुशी त्यो नि सिए त के बिराएं !!
हाल: यूएइ, दुवई

~बैरागी काइँला~

2009-09-03T22:43:00.000-07:00

   (एक)
हिंड्दा हिंडेदै पनि हजूरको साथको याद हुन्छ
त्यसै बस्दा पनि हजूरको सम्झनाको याद हुन्छ
राती सुत्दा पनि हजूरको स्वप्नको याद हुन्छ
बिर्सूं भन्दा पनि हजुरको यादको याद हुन्छ !


(दुई)
मेरो माया शलभसितको दीपको प्रेमपत्र
मेरो माया अवनिसितको व्योमको प्रेमपत्र
मेरो माया उदधिसितको स्रोतको प्रेमपत्र
मेरो माया अब हजूरको प्रेमको प्रेमपत्र !
                    #

~अशेष मल्ल~

2009-09-02T02:03:00.000-07:00

(एक)
दु;ख बाँड्न मिल्दैन
सुख पनि बाँड्न मिल्दैन
दु;ख सुखमा अन्तर छ-
यस्लाई यौटै बनाउन मिल्दैन !

(दुई)
हाम्रो कथा अरुले बुझ्दैनन्
हाम्रो व्यथा अरुले भोग्दैनन्
हामीले आफ्नै बाटो हिंड्नु पर्छ-
हाम्रो हिंडाइमा अरुले सघाउँदैनन् !
#

~शिव प्रकाश~

2009-09-01T00:50:00.000-07:00

(एक)

हारजीतको कुरा नगर प्रिये, सुन्दर नारी हौ तिमी
हार्दिनौ कहिल्यै प्रिये, यौवनको फूलबारी हौ तिमी
प्रिये, मान्छे त के; ढुङ्गो पनि पग्लिन्छ तिम्रा सामू-
नतमस्तक छु म , सबैकी प्राणपियारी हौ तिमी !
(दुई)

मनले मन कटक्क खाँदा भित्रभित्र साहै दुख्दो रहेछ
ढुङ्गो मनसँग मन ठोक्किदा शिशा जस्तै फुट्दो रहेछ
मनको बैरी मनै हुदोरहेछ-मनको सँगी मनै भए'नि
मनसँग मनले घात गर्दा साह्रै नराम्ररी टुट्दो रहेछ !
#

~राजकुमार वानिया~

2009-08-31T03:25:00.000-07:00

(एक)

ढकमक्क सिंगारिन खोज्ने 'चेली' दोषी

चुल्ठोमा राख्न तँछाड मछाड 'चमेली' दोषी

बुझ्दै जाँदा मलाई त यस्तो लाग्यो-

चोखो मायाको भूगोलमा 'कोशेली' दोषी !

(दुई)

खूबी होईन आज भोलि पोशाक जाँच्न थालेकोछ

कविता लेख्दैनन् कवि महल रच्न थालेकोछ

उल्टिएर सुल्टो रुन्छ , भोक रुन्छ जताततै-

मादल होईन आज भोलि बादल बज्न थालेकोछ !

#

~मधुवन पौडेल~

2009-08-30T03:41:00.000-07:00

(एक)

तिम्रो न्यानो माया पाउने आशमा तड्पिरहेको छु

निरुद्धेश्य यता उता भौंतारिंदा अर्धमृत भइसकेको छु

एकपल्ट त मेरो विरान जिन्दगीमा फेरि आइदेउ निरुपमा

हेर त, म यसरी धेरै धेरै असरल्ल जीवन जिइरहेको छु !

                                                               (दुई)

हाम्रो प्रेमको कथा एउटा इतिहास भइसकेको छ

भञ्याङमा देउरालीको गीत ठप्प भइसकेको छ

त्यसैले भटेट ब्यूँझ, उठ र आउ लौ निरुपमा

तिमी बिना मेरो घर संसारनै श्मसान भइसकेको छ !
                                     #

~रत्नशम्शेर थापा~

2009-08-30T00:55:00.000-07:00

(एक)
कुल्ची हिंड हाँसी हाँसी यो छाती तिम्रै बाटो हो

मेरो देह त केही होईन केवल एक थुप्रो माटो हो

गालाको पाटाको लामो धर्सो त्यो घाउ होईन

त्यो त झरी सुकेको आँसुको एक थोपा टाटो हो !

(दुई)

तिम्रो आँखाको गाजल बगे मेरो दिन अध्याँरो हुन्छ

तिम्रो ओठको रङ्ग उडे मेरो सपना छारो हुन्छ

जति जति भासिदै जान्छ्यौ तिमी मृत्युको नीलो दहमा

उति उति निस्सासिन्छु म मलाई सास फेर्न गार्‍हो हुन्छ !

#